За четиригодишно девојче од околината на Чачак, Србијам кое почина на 4 февруари по операција на крајниците, истрагата за овој случај ја води Вишото јавно обвинителство во Чачак, кое нареди обдукција на телото на детето и токсиколошки анализи, објавија српските медиуми.

„Во врска со зголемениот јавен интерес за настанот кога четиригодишно дете почина по тонзилектомија во Општата болница во Чачак, ја информираме јавноста дека дежурниот јавен обвинител во Вишото јавно обвинителство во Чачак бил известен од Полициската управа во Чачак за настанот и дека наредил да се изврши обдукција врз телото на починатото дете, да се извршат токсиколошки анализи, како и да се преземат други мерки и дејствија со цел да се утврдат сите околности поврзани со наведениот настан, по што ќе се одлучи за понатамошниот тек на постапката“, соопшти обвинителството.

Девојчето починало поради компликации по операцијата, додека се будела. Таа беше итно транспортирана од Чачак во Белград и почина во Институтот за мајка и дете.

Нејзината мајка за медиумуте вчера во очај изјави дека девојчето немало други здравствени проблеми освен крајниците.

Претходно, Министерството за здравство објави дека презема сите потребни мерки.

Девојче почина во Србија по рутинска операција на крајници: Почнаа да ја будат, тогаш сè започна…, раскажува мајка ѝ