Сопругот на легендарниот музичар Елтон Џон, Дејвид Фурниш, откри нови детали за здравствената состојба на славниот пејач и истакна дека тој продолжува храбро да се бори.

Елтон Џон во јули 2024 година доби сериозна инфекција на окото, поради која го изгуби видот на десното око, а на левото му остана  значително ограничен вид.

Фурниш за магазинот „Варајети“ изјавил дека пејачот моментално е добро и дека најмногу време поминува со своето семејство.

„Тој е одлично. Се бори, но продолжува напред. Среќен е што е дома со семејството и со нашите синови. Токму затоа и ја заврши турнејата. Навистина го сакаме родителството, го сакаме нашето семејство и сакаме да бидеме заедно – тоа ни е сè“, рекол Фурниш.

Претходно и самиот Џон призна дека изминатата година била многу тешка поради проблемите со видот.

„Тоа беше разорувачко. Го изгубив видот на десното око, а и левото не ми е баш добро. Последните 15 месеци беа многу предизвикувачки затоа што не можев ништо да гледам, ниту да читам“, изјави тој.

И покрај тоа, музичарот не ја губи надежта дека науката во иднина ќе му помогне.

„Имав неверојатен живот и сè уште има надеж. Само треба да бидам трпелив и да се надевам дека еден ден науката ќе може да помогне. Кога тоа ќе се случи, ќе бидам добро“, порача Елтон Џон.

Освен со проблемите со видот, пејачот се соочувал и со други здравствени потешкотии, за кои отворено зборуваше на премиерата на документарниот филм „Елтон Џон: никогаш не е доцна“ (Elton John: Never Too Late).

„Да бидам искрен, не остана многу од мене. Немам крајници, ниту аденоиди, ниту слепо црево. Немам простата. Немам десен колк, ниту лево и десно колено. Всушност, единственото што ми остана е левиот колк. Но сè уште сум тука. И не можам доволно да ви се заблагодарам – вие сте луѓето што ме создадоа“, рече тој.

Елтон Џон откри каква бизарна молба имал до докторт кој го оперирал: „Беше доста изненаден …“