Во гостувањето во емисијата „Ноќно студио“ на 4ТВ, Спасовски рече дека уште претходно јавно укажувал дека земјата се движи кон предвремени избори.

„Факт е дека ќе има предвремени парламентарни избори. Тоа го најавував и претходно повеќепати“, изјави Спасовски.

Тој нагласи дека секоја политичка партија мора постојано да биде подготвена за избори, без разлика дали станува збор за редовни локални, претседателски или предвремени парламентарни избори.

„Партијата мора да биде подготвена секогаш за какви било избори што ќе ги имаме“, вели Спасовски.

Според Спасовски, СДСМ мора уште поинтензивно да работи на организациско и програмско зајакнување, со цел да понуди сериозна политичка алтернатива на актуелната власт.

„Раководството на партијата треба да работи уште повеќе, и од организациски и од програмски аспект, за да може СДСМ да настапи како организирана структура која ќе биде алтернатива на актуелната власт“, порача Спасовски.

Оливер Спасовски за скандалот со наводен шпион во претседателскиот кабинет: Сериозни прашања за безбедносниот кредибилитет на државата