„Последниот танц“ стана глобален феномен, а во тоа голем удел има и пандемијата на коронавирусот поради која спортот на целата планета е ставен под карантин и поради тоа документарниот филм беше во центарот на светската спортска јавност.

Серијалот од 10 епизоди заврши во неделата, а во последните две „жртви“ на Џордан и неговиот Чикаго беа кошаркарите на Јута џез кои беа предводени од легендарните Карл Мелоун и Џон Стоктон.

Во „Последниот танц“ се појавија речиси сите кошаркари кои значеа нешто во НБА лигата во тоа време, но само двајца одбија да учествуваат во серијата, очекувано тоа се играчите на Јута, Карл Мелоун и Брајон Расел.

Карл Мелоун беше најдобар играч на Јута џез во тие години, а неговиот тим две сезони по ред губеше во големото финале од Џордан и неговиот Чикаго, па според сценаристите дека кошаркарот немал сили повторно да се потсеќа на тие моменти, а особено не јавно.

Брајон Расел е најпознат по тоа како борбено го бранеше Џордан кој ги постигна победничките поени во шестиот натпревар од големото НБА финале, со кои „биковите“ се доближија до шестата титула. Тогаш, фановите останаа поделени дали Џордан насилно го бутнал својот колега.

Сликата на Расел како се „лизга во празно“ додека Џордан го постигнува победничкиот кош е историска и играчите на Јута никогаш нема да го заборават тој момент, а ни светските фанови на НБА лигата.