Да, целулит имаат и најдобрите од нас, и да, ниту моделите не се имуни. Но, ние имаме неколку супер трикови кои ќе ви помогнат да ги ублажите дупчињата на своите бутови…

Непријател број 1 на целулитот е кофеинот, кој ги намалува наслагите и и овозможува на кожата антиоксиданси, кога се нанесува однадвор. Ако редовно се употребува на овој начин (потребно е да се втрие), докажано ја намалува видливоста на целулитот, а особено е ефикасен на долгорочните патеки.

Во овој рецепт за домашен антицелулит пилинг, се комбинира кафе со хидратантно кокосово масло кое ја омекнува кожата, како и со морска сол за дополнителен ефект на пилинг. Со масирање на оваа смеса на проблематичните места, ќе го стимулирате протокот на крв, што ќе резултира со цврста и нежна кожа, а на целулитот ќе му зададете смртоносен удар со состојките кои тој најмалку ги сака. Плус, ова мириса сосема фино, за разлика од многу домашни смеси.

Што ви е потребно?

– 1 чаша крупно мелено кафе

– 6 лажици кокосово масло

– 3 лажици крупна морска сол

– празна тегла

– четка од природни влакна (опционално)

Подготовка

Измерете ги сите суви состојки и измешајте ги во голема чинија. Истопете го кокосовото масло во микробранова печка ако е во цврста состојба и додадете го во мешавината. Добро измешајте ја смесата и ставете ја во сад кој може добро да се затвори.

Употреба

Пред да се истуширате, масирајте го телото со сува четка за да ја стимулирате циркулацијата и да го подготвите телото за што подобри резултати од пилингот. Четкајте ги нежно со кружни движења сите проблематични делови или целото тело.

Под тушот нанесете го својот пилинг и вмасирајте го со прстите во кожата, исто така со кружни движења. Масирајте околу 10 минути и потоа исплакнете. Повторувајте го ова секој ден и резултатите нема да изостанат.