САД и Канада ѝ нанесоа нова главоболка на Кина

Сад и Кина / Фото: Профимедиа

Кинеската војска денеска ги искритикува САД и Канада поради испраќањето на нивните воени бродови преку Тајванскиот теснец минатата недела, велејќи дека тоа го загрозува мирот и стабилноста во регионот.  

Американската војска соопшти дека нејзиниот ракетен уништувач „УСС Деви“, во четвртокот и петокот минал низ тесниот теснец што ги дели Кина и Тајван со канадската фрегата „ХМЦС Винипег“, пишува Ројтерс.  

„Преминувањето на Деви и Винипег низ Тајванскиот теснец ја покажува посветеноста на САД и нашите сојузници и партнери за слободен и отворен Индо-Пацифик“, додаде американската војска.

Американска морнарица/ Фото EPA/MCSN Cheng S. Yang/HANDOUT

САД и Канада создаваат нови проблеми 

Кинеската народна ослободителна армија соопшти дека постојано ги надгледувала бродовите и била „на стража“ при нивното минување.  

„Соединетите држави и Канада се обединија за да предизвикаат и да создадат нови проблеми, сериозно загрозувајќи го мирот и стабилноста на Тајванскиот теснец“, соопшти кинеската војска.  

Кина цврсто стои на ставот дека Тајван е дел од кинеската територија, дека секогаш е во состојба на готовност во таа област и дека „ќе се спротистави на сите закани и провокации“.  

Вежба на кинеската војска/Фото: EPA-EFE/MAXIM SHIPENKOV

Бес во Пекинг 

Американските бродови, секој месец минуваат низ теснецот предизвикувајќи бес во Пекинг. Понекогаш истото го прават и американските сојузници како Британците.

Кина го смета Тајван за своја територија како демократска и неколкупати во минатата година влезе во Тајванската зона за идентификација на воздушната одбрана (АДИЗ) со своите воздушни сили, што го налути Тајпеј.

Во четиридневниот период од 1 октомври, Кина испрати 150 авиони во зоната. 

Иако расте тензијата помеѓу двата главни града, досега не се испукани куршуми, а кинеските авиони не влегуваат во воздушниот простор на Тајван, туку дејствуваат во југозападниот дел на тајванскиот АДИЗ, кој вклучува поширока област контролирана од Тајван.

Тајван, поранешна јапонска колонија, во 1949-та година бил преземен од кинеските националисти предводени од Чианг Каи-шек, по поразот на комунистите на Мао Це Тунг во централна Кина. 

Кина испрати 52 борбени авиони кон Тајван

ВИДЕО: Кина целосно ќе биде способна да го нападне Тајван за три години

Тензиите меѓу двете држави растат: Индија воведува повисоки царини за производите од Кина

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот