Внуката и правнуката на починатиот командант на Иранската револуционерна гарда, генерал Касем Сулејмани, се уапсени, соопшти американскиот Стејт департмент пренесе Би-Би-Си.

Државниот секретар Марко Рубио им го одзеде статусот на постојан жител на САД на Хамиде Сулејмани Афшар и нејзината ќерка, се вели во соопштението.

Сепак, ќерката на Сулејмани ги нарече тврдењата на Стејт департментот „лажни“, велејќи дека уапсените лица „немаат никаква врска“ со нејзиниот татко.

Сулејмани, кој беше најмоќниот воен командант на Иран, беше убиен во 2020 година во американски воздушен напад во Ирак, кој беше нареден од тогашниот американски претседател Доналд Трамп.

Во објава на социјалните мрежи, Рубио рече дека двете жени се притворени од страна на американската Служба за имиграција и царина, во исчекување на нивното отстранување од земјата.

Во изјавата на социјалната мрежа Икс, тој додаде дека Сулејмани Афшар и нејзината ќерка „имаат зелена карта за престој и живеат раскошно во Соединетите Американски Држави“.

Стејт департментот соопшти дека Сулејмани Афшар била „отворен поддржувач на тоталитарниот, терористички режим во Иран“ и дека промовирала „пропаганда на иранскиот режим“ на својот профил на социјалните мрежи.

На нејзиниот сопруг исто така му е забранет влез во САД, се вели во соопштението. Стејт департментот не ги именуваше ќерката или сопругот на Сулејмани Афшар.

Сулејмани ги предводеше иранските воени операции на Блискиот Исток како водач на иранските елитни сили Кудс.

62-годишникот беше убиен на аеродромот во Багдад, заедно со други членови на милицијата поддржана од Иран. Трамп зборуваше за Сулејмани за време на своето национално обраќање, осврнувајќи се на нападот што го наредил врз командантот.

-Го убив генералот Касем Сулејмани во мојот прв мандат. Тој беше злобен гениј, брилијантна личност, ужасно човечко суштество, татко на „бомбите покрај патот“, и живееше едноставно ужасно имајќи го превид она што го правеше, рече Трамп.

Тој додаде дека Иран ќе беше „можеби во многу подобра, посилна позиција“ во војната ако Сулејмани беше сè уште жив.

Си-Ен-Ен: „Новиот“ режим на Иран е ист како стариот, само што е посуров