Американската полиција уапси 40-годишна жена која остави 11-месечно бебе во автомобил шест часа на горештината во вторникот во Вирџинија, што резултираше со негова трагична смрт.

Полициската истрага што доведе до апсење на 40-годишната Кристен Греам започна во вторникот попладне кога полицајците се повикани откако мртвото бебе е донесено во болница во црна торба од страна на постар маж.

Полицијата потоа ја пронашла 40-годишната девојка која се грижела за бебето на 17-годишната Аријана Викер и таа им рекла дека се започнало во раните утрински часови истиот ден, откако и се јавил еден нејзин пријател и побарал превоз од неа за да купи цигари бидејќи чувал старец и не можел да го остави сам подолго време.

„Така дадилката со бебето и со кучето влегла во автомобилот и го однеле во продавница каде што 40-годишникот купил кутија цигари и сок“, изјавил портпаролот на полицијата.

Потоа, околу 8 часот наутро во вторникот, Греам се вратила во својот дом, ги затворила прозорците на автомобилот и ги оставила бебето и кучето внатре додека температурата надвор била 31 Целзиусов степен.

Според полицијата, 40-годишната дадилка заспала и се разбудила откако добила повик некаде помеѓу 14 и 14,30 часот во вторникот. Дури тогаш отишла до автомобилот и видела дека и бебето и кучето се мртви.

Дадилката на бебето им кажала на полицајците дека последното нешто на кое се сеќава е дека се паркирање и го изгасила моторот. За да се оправда, тврдела дека земала таблета – мускулен релаксант.

Малолетната мајка ја дознала трагичната вест од својот цимер.

Засега 40-годишната е обвинета за небрежност, но можно е обвинението против неа да се надгради во убиство.