Возачот на „Ред Бул“, Макс Ферстапен славеше на Формула 1 трката за Големата награда на Британија.

Актуелниот светски шампион ја постигна шестата последователна победа, осма сезонава, а вкупно 43 во кариерата.

Она што е особено интересно е дека „Ред Бул“ го израмни рекордот на Мекларен од 1988 година, откако Ферстапен и Серхио Перез победија на последните 11 трки, израмнувајќи ја победничката серија на еден тим, која ја држат Аиртон Сена и Ален Прост.

Што се однесува до подиумот, возачот на „Мекларен“ Ландо Норис заврши втор, додека Луис Хамилтон на „Мерцедес“ беше трет.

Во 33 круг болидот на Кевин Магнусен се запали, а безбедносното возило излезе на патеката. Тоа најдобро го искористи Луис Хамилтон, кој заврши пред Оскар Пјастри и Џорџ Расел.

Ферстапен води во генералниот пласман со 255 бодови, пред Перез кој има 156, додека Фернандо Алонсо кој заврши на седмата позиција на „Силверстоун“ е третопласиран со 137.