Руски милијардер сака да го врати украдениот кралски накит – но не во Лувр во Париз
Коосновачот и сопственик на апликацијата Телеграм, рускиот милијардер Павел Дуров, понудил да купи украден француски кралски накит од музејот Лувр во Париз – со цел да го донира на музејот Лувр во Абу Даби, објави RT- пренесе Бизпортал. Грабежот се случи во неделата, кога четворица напаѓачи упаднале во Лувр сред бел ден и побегнале со осум вредни артефакти – вклучувајќи ѓердан од 19 век, обетки и тиара некогаш во сопственост на француското кралско семејство.
Препорачано
Дуров, кој живее во Дубаи со години, ја објави понудата на мрежата X, истакнувајќи дека би сакал да ги врати украдените вредни предмети во културата, но на поинаков начин:
– Со задоволство би го купил украдениот накит и би го донирал назад на Лувр. Мислам, на Лувр Абу Даби, секако; никој не краде од Лувр Абу Даби – напиша Дуров.
ВИДЕО | Грабеж во Лувр: Најпосетуваниот музеј во светот привремено затворен
Да потсетиме дека Лувр Абу Даби беше отворен во 2017 година на островот Садијат, како заеднички проект на Франција и Обединетите Арапски Емирати, со цел да се промовира уметничка соработка меѓу Истокот и Западот.
Во објава на мрежата X, Павел Дуров не ја пропушти можноста да ги критикува француските власти, наведувајќи дека грабежот во Париз „воопшто не го изненадил“.
– Тоа е уште еден тажен знак за падот на некогаш голема земја, каде што владата ја усовршила уметноста да ги одвлекува луѓето со фантомски закани наместо да се соочува со вистински – рече тој.
Ова не е прв пат основачот на Телеграм отворено да ја напаѓа француската влада. Тој претходно ја обвини дека се обидува да воведе политичка цензура на неговата платформа, додека минатата година беше кратко приведен на парискиот аеродром поради наводно неотстранување на нелегална содржина од Телеграм – по што беше ослободен со кауција.
Со овој потег, Дуров, познат по своите провокативни изјави, ги обединува бизнисот, уметноста и политиката – испраќајќи јасна порака дека безбедноста и угледот на Франција повеќе не се она што беа некогаш, пишува Телеграф Бизнис.
ВИДЕО | Грабеж во Лувр: Најпосетуваниот музеј во светот привремено затворен
Неговата понуда предизвика лавина од реакции на социјалните мрежи, при што многу корисници коментираа дека „руски милијардер би можел да го врати она што француската влада не успеа да го заштити“.
