Авион на романските воздухопловни сили Спартан Ц-27Ј, опремен за медицински цели, полета денеска од Букурешт за да изврши хуманитарна мисија за транспорт на четворица пациенти со изгореници од Северна Македонија на лекување во болница во Вилнус, Литванија, јави агенцијата Агерпрес.

За време на летот, пациентите ќе бидат следени од медицински тим обезбеден од Романската мобилна медицинска помош за итни случаи (SMURD) и Клиничката болница за итна помош во Букурешт, се вели во соопштението на Министерството за одбрана.

Најмалку 59 лица загинаа, а над 150 се повредени во пожар што избувна ноќта меѓу саботата кон неделата во дискотека во градот Кочани, Северна Македонија, нагласува романската агенција.