Делчевската полиција поднела пријави против родителите на две малолетни ќерки, кои немале наполнето ниту 15 години, да живеат во вонбрачни врски со 27-годишен и 49-годишен човек. Ќе одговараат и „зетовите“, за силување и за вонбрачен живот со дете, информираат од МВР.

„Пријави се поднесени против О.Л. (49) од Делчево и Н.Л. (38), поради постоење основи на сомнение за кривично дело вонбрачен живот со дете од Кривичниот законик. Дополнително, пријава е поднесена и против Н.П. (27) од струмичко село, осомничен за вонбрачен живот со дете, како и за кривично дело силување на дете кое не наполнило 15 години од Кривичниот законик. За делото вонбрачен живот со дете пријавен е и О.П. (49) од струмичко село. О.Л. и Н.Л., како родители, дозволиле нивната малолетна ќерка од септември 2023 година да живее во вонбрачна заедница со Н.П., при што таа родила дете. Исто така, од март 2024 година, нивната втора малолетна ќерка живее во вонбрачна заедница со О.П.“, пишува во полициското соопштение.

Возач на автобус тајно влегувал и правел скици од воени објекти во тетовската касарна