Рјабоволова брка олимписка норма на квалификацискиот турнир во Баку во борење
Македонската боречка федерација информира дека се водат 15 дневни подготовки во Баку, Азербејџан за европскиот квалификациски турнир кој ќе се одржува од 5 до 7 април 2024 година.
Вероника Рјабоволова ќе настапи во категоријата до 53 килограми (слободен стил) и ќе се бори за олимписка норма, односно за учество на Игрите во Париз.
На подготовките учествуваат уште две борачки Марија Цветанова и Марија Спирковска, заедно со тренерот Магомед Ибрагимов.
На листата натпреварувачки во оваа категорија покрај Рјабоволова се и: Елнура Мамадова (Азербејџан), Наталиа Малишева (индивидуални неутрални спортисти), Ирена Бинкова (Бугарија), Татјана Дебиен (Франција), Аника Вендл (Германија), Марија Преволараки (Грција), Шталвира Орсус (Унгарија), Марија Фероне (Италија), Маријана Драгутан (Молдавија), Јовита Врзесиен (Полска), Андреа Ана (Романија), Зејнеп Јетгил (Турција) и Лилија Маланчук (Украина).
Во машка конкуренција Македонија во Баку ќе ја претставуваат: Владимир Егоров (57 кг.), Расул Шапиев (74 кг.), Ахмад Магомедов (86 кг.) и Магомедгаџи Нуров (97 кг.)