Напаѓачот на македонската фудбалска репрезентација, Милан Ристовски беше во стартниот тим за вчерашниот натпревар против Молдавија, меѓутоа не успеа да се запише во листата на стрелци.

Ристовски не крие дека очекувал Македонија да се прикаже во подобро светло и смета дека натпреварот против Црна Гора за нас ќе биде уште потежок.

„Игравме добро, имавме контрола на топка и доминиравме во поголем дел од натпреварот. За жал поради едно наше невнимание примивме гол и натпреварот заврши без победник. За два дена против Црна Гора не чека еден тежок натпревар, играме против квалитетна репрезентација и ако сакаме да бидеме конкурентни мора да играме на повисоко ниво. Секогаш сум самокритичен и сметам дека на теренот може да се даде повеќе. Така требаше да биде и со Молдавија, ако постигневме уште некој гол ќе дојдовме до посакуваната победа“, изјави Ристовски

Натпреварот против Црна Гора го играме во понеделник од 18:00 часот.

Милевски: За жал не искористивме барем уште една од тие пет-шест прилики за гол

Милевски: За жал не искористивме барем уште една од тие пет-шест прилики за гол