За подготовка на пилешки копани не е потребна некоја претерана кулинарска вештина, а можете да ги печете, сварите, пржите, похувате… Меѓутоа, сепак, тука постои еден трик. Тајната на сочни и меки пилешки копани лежи во маринадата.

Состојки:

– 1 кг пилешки батаци
– 4 главици кромид
– сок од лимон (од 3 лимони)
– 3 чешниња лук
– 50 мл павлака за готвење
– 2 лажици масло
– 10 грама магдонос
– 3 лажички сенф
– ½ лажичка сол
– ½ лажичка пиперка
– 50 мл пилешка супа

Подготовка:

Исечете го кромидот (не многу тенко) и префрлете го во сад, па прелијте го со павлака за готвење, масло, сок од лимон, лук, сенф, бибер, сол и сечкан магдонос.

Сè убаво измешајте и прелијте ги пилешките копани. Промешајте за да се залепи смесата за копаните. Покријте го садот со капак или со фолија и оставете го пилешкото да се маринира најмалку еден час.

Извадете ги копаните од маринадата и ставете ги во длабока тава во која претходно сте го загреале маслото и оставете ги да се пржат неколку минути. Не заборавајте да ги превртите.

Потоа додајте ја маринадата и измешајте. На крај додајте ја пилешката супа, поклопете и оставете да се крчкаат на тивок оган 30 до 45 минути.

Кога ќе бидат готови, посипете со сечкан свеж магдонос и послужете со прилог по ваш избор. Тоа може да биде ориз, њоки, крокети, компири…