Рецепт за посни новогодишни бомбици: Се топат во уста!
Посните десерти може да бидат исто така многу хранливи и здрави доколку се употребат вистинските состојки. Комбинацијата на суво овошје со јаткасти плодови и природни засладувачи се неодолива комбинација која ќе ја задоволи вашата потреба за слатко во текот на празничните пости.
Препорачано
Овојпат за љубителите на слатки подготвивме здрави, но и посни енергетски бомбици кои можете да ги понесете на работа како совршена ужинка. Ако сте љубители на црното кафе, овие бомбици се совршена комбинација со омилениот утрински пијалак.
Состојки:
– 400 г печени лешници
– 200 г урми
– 250 г брусница
– 400 г бела таан алва
– 200 г маргарин
– 100 г црна чоколодо или какао прав
Подготовка:
Печените лешници треба да бидат мелени, но не многу ситно туку на покрупни парчиња. Свежите урми ги сечете на поситни парчиња и заедно со лешниците и брусницата ги ставете ги во подлабок сад.
Во подлабокиот сад додадете ги маргаринот и алвата исечени на помали парчиња. Со раце ја замесувате цела смеса за убаво да се соединат сите состојки.
Со двете раце формирајте топчиња, бомбици кои ќе ги поставувате во хартиени корпи за колачи. Претходно по желба извалкајте ги со рендана црна чоколада или какао прав.
Декорирајте во црна или бела чоколада.
Добар апетит!
