Рецепт за печени крекери со сланина и пармезан, одлична закуска за третиот ден од славењето
Ако не ви се јадат остатоци по Нова година, а очекувате гости и сакате да ги изненадите со вкусна закуска, ви предлагаме печени крекери со сланина и пармезан, но можете да користите и кое било тврдо сирење. Оваа закуска лесно се прави, сè што треба да направите е да ги наредите сланината и сирењето врз крекерите и да ги испечете.
Состојки:
– крекери
– 100 г сланина
– 100 г сирење (по можност пармезан)
– 30 г кафеав шеќер
– 30 г мелена црвена пиперка
Подготовка:
Исечете ја сланината на парчиња со големина на крекерите, како и пармезанот. Во едниот сад сипете го кафеавиот шеќер, а во другиот мелената пиперка.
Земете крекер, па ставете сланина, сирење, посипете со шеќер, а потоа и со мелена пиперка. Вака приготвените крекери наредете ги во плех обложен со хартија за печење.
Печете ги крекерите со сланина и пармезан во рерна на 180 степени, неколку минути.