Рецепт за омилената зимска проја со кисела зелка
Пројата подготвена по стариот домашен рецепт на нашите баби стана вистински гурмански деликатес во овие модерни времиња. Во меѓувреме, пројата доби повеќе верзии, па домаќинките неретко додаваат разни состојки при нејзиното приготвување за да го збогатат вкусот.
Препорачано
Без да се двоумите запишете го рецептот за омилената зимска прoја со кисела зелка, џимиринки и палента.
Следниве состојки се потребни за рецептот на кој едноставно нема да можете да му одолеете:
– 1/2 главица кисела зелка
– 1 главица кромид
– 2 чешниња лук
– масло, доколку е потребно
– 200 грама џимиринки
– 200 грама палента
– 700 мл вода
– сол, по вкус
Подготовка:
Во тава пропржете половина од џимиринките, па додајте ја сечканата зелка. Сипете ја водата и зачините, па динстајте додека зелката не омекне. Додајте ја сировата палента и мешајте додека не добиете густа смеса. Добиената смеса сипете ја во плех подмачкан со масло и посипете со остатокот од џимиринките што претходно сте ги исечкале и испржиле.
Ставете ја пројата во рерна загреана на 200 степени и печете 20 минути.
