Рецепт за мусака од боранија, евтин ручек за целото семејство
Мусака кај нас обично се подготвува со компири и мелено месо, но популарна е и грчката, која се прави од модри патлиџани и сос бешамел.
Доколку сакате да направите совршен ручек за целото семејство, тогаш ви предлагаме да ја пробате мусаката од боранија, која ќе ги воодушеви сите уште од првиот залак.
Состојки:
– 1 кг боранија
– 500 грама мелено месо
– 4 јајца
– 200 мл масло
– 3 чешниња лук
– 2 црн кромид
– 180 грама кисела павлака
– 1 китка магдонос
Подготовка:
Исечкајте го кромидот и пропржете го на масло. Кога ќе омекне, додајте ги меленото лукче и исчистената боранија. Зачинете со сол и бибер, сипете малку вода, па динстајте. Гответе додека боранијата не омекне, а по потреба додајте уште вода.
Во тавче пропржете го ситно сечканиот кромид (1 парче), па додајте го меленото месо. Зачинете по желба и пропржете. Тргнете го од шпорет, па во месото додајте ги изматеното јајце и сечканиот магдонос. Сè убаво измешајте, па во тепсијата што сте ја подмачкале со масло наизменично редете боранија и мелено месо. Последниот ред треба да биде боранија. Другите 3 јајца изматете ги со киселата павлака, зачинете по желба и потоа прелијте ја мусаката. Печете во рерна на 200 степени околу 40 минути.