Овој колач со боровинки и кисела павлака е вистинско пролетно слатко уживање што освојува со секој залак, пишува „Пун куфер“.

Лесен е за подготовка, а резултатот е мек, сочен и мирисен десерт кој одлично се вклопува во секоја пригода – од опуштено дружење со пријателите до семејна трпеза.

Потребни состојки

За колачот:

• 115 г солен путер
• 100 г бел шеќер
• 1 лажица рендана кора од лимон
• 120 г кисела павлака
• 1 лажица ванилин шеќер
• 3 јајца (на собна температура)
• 130 г брашно
• 90 г бадемово брашно
• 2 лажички прашок за печиво
• 1/2 лажичка сол
• 150 г свежи или замрзнати боровинки
• 3 лажици џем од боровинки

За стризел:

• 100 г кафеав шеќер
• 2 лажици брашно
• 2 лажици путер
• 1 лажичка цимет

За глазура:

• 80 г шеќер во прав
• 45 мл сок од лимон
• 1 лажичка мед

Подготовка

Загрејте ја рерната на 190 степени. Намастете калап за куглоф или правоаголен калап (23×13 см). Во голем сад изматете го путерот со шеќерот и кората од лимон додека не добиете кремаста смеса. Додадете ја киселата павлака и ванилиниот шеќер, па матете додека смесата не стане мазна. Потоа додавајте ги јајцата едно по едно, матејќи по секое. Во друг сад измешајте ги брашното, бадемовото брашно, прашокот за печиво и солта. Додадете ги сувите состојки во течната смеса и добро измешајте.На крај додадете ги боровинките, претходно измешани со малку брашно (за да се распределат рамномерно).

Во мал сад измешајте го кафеавиот шеќер, брашното, путерот и циметот додека не добиете ронлива смеса.

Ставете половина од смесата во калапот, па додајте 1 лажица џем. Посипете со стризел.

Потоа ставете ја преостанатата смеса и одозгора додајте ги останатите 2 лажици џем. По желба, посипете малку шеќер.

Печете 55–60 минути, додека средината не се стегне и чепкалката излезе чиста.

Додека се пече колачот, измешајте ги шеќерот во прав, сокот од лимон и медот додека не добиете мазна глазура.

Прелијте го колачот со глазура додека е уште топол.