Рецепт за карамел торта, никој не може да ѝ одолее
Постојат безброј рецепти за чоколадни деликатеси, а заедничко на сите им е тоа што се најомилени. Комбинацијата од чоколадо и карамела ќе ве маѓепса уште на првиот залак.
Корите се толку меки бидејќи се натопени во млеко да се растопат, а целата торта ќе ја зачине глазурата на врвот.
Ова е вистинска чоколадна бомба со прекрасен изглед, па можете да ја послужите и на свечени настани.
Состојки:
За кората:
– 300 грама мелени бисквити
– 100 грама маргарин
– 2 лажици какао
– 150 милилитри млеко
За филот:
– 1 литар млеко
– 8 лажици шеќер
– 3 ќесички (120 г) пудинг со вкус на карамела
– 1 лажица густин
– 150 грама маргарин
Останато: 10 цели бисквити, 100 г чоколаден шлаг крем, 200 мл млеко.
Подготовка:
Изматете ги маргаринот, додадете ги мелените бисквити, какаото и млекото, па измешајте. Ставете во плех со обрач (26 см). Наредете искршени бисквити.
Пудингот и густинот измешајте ги, па посипете ги во 200 мл млеко и добро измешајте, да не останат грутки. Во 800 мл млеко ставете шеќер и загрејте, но да не зоврие. Посипете го пудингот и на умерена температура мешајте да не згусне. Тргнете го од ринглата, додадете го маргаринот и измешајте да се стопи и соедини. Пудингот во облик на фил сипете го преку бисквитите.
Ставете во фрижидер да се излади и стегне. Тргнете го плехот. Изматете го чоколадниот крем шлаг со млекото и намачкајте го преку добро изладениот колач. Вратете го на кратко во фрижидерот, па исечете и послужете.