РЕЦЕПТ | Превкусен намаз од грашок и нане
Дали некогаш сте се обиделе да направите намаз од млад грашок? Ако не сте, сега ви е шансата. Грашокот е толку разновидна храна што навистина можете да го измешате со што било, и секогаш ќе ви го даде тој фантастичен вкус. Овој намаз е совршен за да го придружите со свежо печен леб.
Потребни состојки:
– 240 г свеж млад грашок, исчистен
– 1 лажица сок од лимон, свежо исцеден
– 1 мал свеж кромид или лук (по избор)
– 2 лажици свежо младо козјо сирење
– 1 лажица листови нане, ситно сецкани
– 1 лажица пињоли, ситно сецкани(заменете со семки од сончоглед)
– маслиново масло
– сол, свежо мелен бибер
Начин на подготовка:
– Грашокот исчистете го и ставете го во ладна солена вода. Кога водата ќе зоврие, згответе го грашокот додека не омекне до половина, па исцедете го. Исплакнете под млаз ладна вода и оставете го на страна.
– Во блендер на најмала брзина измешајте го грашокот со сокот од лимон, сирењето, солта и биберот. Додадете го маслиновото масло по потреба за да добиете мазна смеса како за намаз.
– Префрлете ја смесата во сад и измешајте ја со боровите ореви, ситно сечканиот млад кромид и листовите нане.
– Потпечете леб во рерна или тостер, па премачкајте го со приготвениот намаз.