Во серија инциденти синоќа на Бит Пазар, разбојник извршил еден грабеж и се обидел да изврши уште два, заканувајќи им се на вработени и на сопственик со пиштол, соопшти полицијата.

„На 21 март 2026 година, околу 21:21 часот, во СВР Скопје е пријавено дека во продажен објект на подрачјето на Бит Пазар во Скопје, едно лице со закана со пиштол се обидело да го одземе дневниот промет, но откако не успеало во намерата, физички го нападнало сопственикот на објектот З.В.(61), посочуваат од полицијата.

Во 21:48 часот е пријавено дека во спортска обложувалница на подрачјето на Бит Пазар во Скопје, едно лице со закана со пиштол кон вработената, одзело пари од дневниот промет, а во 22:25 часот дека во казино на подрачјето на Бит Пазар во Скопје, едно лице со закана со пиштол кон вработената се обидело да го одземе прометот, но не успеало во намерата, по што се дало во бегство,“ соопшти полицијата.

СВР Скопје презема мерки за расчистување на случаите и пронаоѓање на сторителот.

Две тела предадени на обдукција, се истражува смртта на две лица од Скопје