Цените на нафтата на пазарите во Азија денес скокнаа за четири проценти откако Иран објави дека нема повторно да го отвори Ормускиот Теснец поради американската поморска блокада на иранските пристаништа, и покрај продолжувањето на прекинот на огнот. Непосредно по полноќ, референтната цена на американската нафта „West Texas Intermediate“ се зголеми за 4,06 проценти, на 96,73 долари за барел, објавува Гардијан.

Ацо Ристов ја презеде функцијата претседател на Регулаторната комисија за енергетика

Меѓународната референтна цена на суровата нафта брент од Северното Море се зголеми за 3,62 проценти, на 105,63 долари, а цените на двата вида нафта ја намалија својата цена неколку минути подоцна. Фјучерсите за сурова нафта брент пораснаа за дополнителни 1,3 проценти на азискиот пазар денес, на 103,18 долари за барел, откако преку ноќ скокнаа за 3,5 проценти и повторно ја преминаа цената над 100 долари, објави Ројтерс, пренесува Танјуг.