Расел Бренд призна дека на 30 години имал однос со 16-годишна девојка: „Тоа беше искористување“
Британскиот актер и комичар Расел Бренд призна дека во минатото имал сексуален однос со 16-годишна девојка, кога тој имал 30 години.
Препорачано
-
1
-
2
-
3
Во интервју за „Мегин Кели шоу“, Бренд изјави дека, иако во Обединетото Кралство возраста за согласност е 16 години, денес го гледа тој однос како проблематичен.
„Бев незрел и поинаков човек. Но кога постои голема нерамнотежа на моќ, особено кога сте позната личност, тоа го сметам за искористување“, рече тој.
Актерот додаде дека во минатото имал „себично сексуално однесување“ и дека не размислувал доволно за последиците врз другите.
Бренд се соочува со сериозни обвинувања од повеќе жени, кои го товарат за силување, сексуален напад и емоционална злоупотреба, за наводни настани од периодот меѓу 1999 и 2005 година. Тој ги отфрла сите обвиненија и тврди дека односите биле со согласност.
Во 2025 година се изјасни за невин пред суд, а истата позиција ја задржа и по новите обвиненија што следеа.
„Овие обвинувања се од период кога бев постојано во медиумите. Како што сум пишувал и во моите книги, водев многу промискуитетен живот, но сите врски беа со согласност“, изјави претходно.
Бренд се прослави во доцните 2000-ти како комичар, а потоа изгради и филмска кариера. Во јавноста беше познат и по бракот со пејачката Кејти Пери, кој траеше од 2009 до 2011 година. Од 2017 година е во брак со Лора Галагер.
