Прво место за Филип Недев на ЕТКФ Европскиот шампионат во традиционално карате
Македонската репрезентација во традиционално карате предводена од Дејан Недев од 27 до 30 октомври учествува на 36 ЕТКФ Европски шампионат кое се одржува во Ново Место, Словенија.
Нашата земја ја претставуваат Камелија Недев, Матеј Мангаровски, Филип Недев, Георги Кокорманов, Софија Јарчевска и Максим Поп Трпев.
Натпреварите се одржуваат во сите возрасни категории во поединечна и екипна конкуренција. На шампионатот учествуваат над 600 каратисти од 24 европски земји.
Македонија успеа да освои три медали, од кои еден златен и два бронзени.
Филип Недев во кати за деца (8-9 години) се закити со златото, а бронза имаат Матеј Мангаровски во кадети и Максим Поп Трпев во кати за деца (6-7 години).
Малку недостасуваше медал да освои и Каменија Недев која дојде до четвртата позиција во кати.