Прва изјава на сопругата на Кајмакоски: „Сите сме под стрес, Даниел закрепнува“
Македонскиот пејач Даниел Кајмакоски доживеа вистинска драма во Белград, кога по настап во Бетон хала беше киднапиран, а подоцна пронајден врзан во автомобил од кој киднаперите побегнале.
Препорачано
Сега за српски „Блиц“ се огласи неговата сопруга Марина, која откри како се чувствува Даниел во моментов и истакна дека целото семејство поминува низ исклучително тежок период.
„Што да ви кажам, сите сме под голем стрес. Даниел сега е добро, закрепнува и е тука со нас. Што се однесува на целиот случај, поради истрагата не смееме ништо да зборуваме. Сè е пренасочено кон адвокатот, а јас ги молам сите за разбирање“, изјави кратко Марина, која во овие моменти не се одвојува од својот сопруг.
Комшиите открија детали од ноќта на инцидентот
Очевидци од градот Рума, во близина на хрватската граница, открија што виделе ноќта кога се случило киднапирањето.
„Полицијата поминуваше овде цела ноќ. Мојот сопруг излезе надвор бидејќи слушнал кучиња како лаат. Кога излезе, полицајците го прашаа дали видел некого, а тој им кажа дека не видел ништо. Полицијата пребаруваше наоколу, синоќа беа тука околу два часа, но не најдоа никого. Имаше многу полиција, џипови и возила, беа насекаде“, изјави жена од Рума за „Блиц“, додавајќи дека сè уште чувствува страв поради случувањата.
ФОТО | Две работи ѝ помогнале на полицијата да му го спаси животот на Даниел Кајмакоски
