Прв пораз на владата на Бенет: Кнесетот го одби законот за мешани бракови
Новата израелска влада предводена од Нафтали Бенет денеска се соочи со првиот голем пораз во парламентот, откако не успеа да освои мнозинство за да го обнови контроверзниот закон со кој ги спречува Палестинците, кои живеат на Западното крајбрежје и во појасот Газа да се венчаат со израелски државјани и на тој начин да се стекнат со израелско државјанство.
Неговата влада не успеа денеска да обезбеди мнозинство за законот на дражвјанство и влез во Израел, бидејќи гласањето било 59-59, пренесува Ројтерс.
Израел прв пат го донесе законот во 2003-та година, во ехото на палестинските бунтови, со образложение дека Палестинците го користеле својот правен статус да помогнат во извршување на напади над Израел.
Законот беше продолжуван на годишно ниво, дури и додека владееше Нетанјаху, кој сега ја води опозицијата, а денешка беше гласано против.