Денеска во пријателски натпревар одигран во Базел, фудбалската репрезентација на Германија со 4:3 ја совлада селекцијата на Швајцарија.

По првото полувреме резултатот беше 2:2, водеа Швајцарците од 17 минута со голот на Ндоје, израмнија Германците преку Та во 26 минута.

Во 41 минута домаќините повторно беа во минимална предност благодарение на погодокот на Емболо, а непосредно пред паузата видовме нов егал во дуелот кој го донесе Гнабри (45+2`).

Германија за прв пат поведе во 61 минута преку Вирц, за 3:3 во 79 минута стрелаше Монтеиро, а во 85 минута конечниот епилог го постави Вирц со својот втор гол на средбата.

Потсетување, Швајцарија е еден од противниците на Македонија во новото издание на Лигата на нации. Токму Швајцарија е нашиот прв противник на 26 септември годинава на домашен терен. Во Лигата Б нашите најдобри фудбалери ќе играат и против Шкотска и Словенија.