Пронајден човечки труп кај Вранештица, предаден на обдукција
Вчера во 14.10 часот, во ОВР Кичево пријавено е дека во атарот на кичевското село Вранештица, по течението на реката Треска, кај месноста „Капалиште”, пронајден е човечки труп. соопштија ов СВР Охрид.
Увид на местото изврши тим од полициски и медицински екипи, предводен од Јавен обвинител, по чија наредба телото е предадено за обдукција. Се преземаат мерки за расчистување на настанот.
Од СВР Охрид информираат и за пожар во понеделникот во плевна и куќа во кичевското село Горно Другово, сопственост на В.М.(63) од истото село.
Повредени лица нема, а пожарот е изгаснат со интервенција на Територијалната противпожарна единица од Кичево. Увид извршија полициски екипи.
Вчера во 20.10 часот во ОВР Кичево е пријавено дека во угостителски објект на улицата „4 Јули” во Кичево, А.А.(36) од Кичево физички ја нападнал неговата поранешна девојка. Против него ќе биде поднесена соодветна пријава.