Промоција на спотот за евровизиската песна „Here I stand“ денес во Дневник 1 на МРТ
Промоцијата на спотот за евровизиската песна „Here I stand“, со која ќе не претстави Васил Гарванлиев на 65-то издание на Евровизија во Ротердам ќе се случи денес (четврток) во Дневник 1 на МРТ во 17 часот и 30 минути.
Во денешниот Дневник 1 на МРТ Васил ќе биде специјален гостин, а песната официјално ќе биде објавена и на евровизискиот јутјуб-канал во 18 часот.
https://www.youtube.com/user/eurovision
Песната е работена според мелодија и текст на самиот Васил, а за аранжманот и продукцијата се погрижија Борче Кузмановски и Давор Јордановски.
„И покрај нашата желба да организираме промоција на евровизиската песна со присуство на новинари, со оглед на околностите во државата, воведување полициски час и зголемениот број на заразени од корона вирусот, одлучивме дека сепак е подобро да не организираме собири на кои сите би се изложиле на евентуална опасност и зараза“, соопштија од евровизискиот тим.