Принцезата Јуџин се повлече од важна функција што ја имаше со години, по контроверзиите околу нејзините родители
Принцезата Јуџин, ќерка на поранешниот принц Ендру и поранешната војвотка Сара Фергусон, се повлече од својата функција во добротворната организација против ропството. Јуџин беше покровител на „Анти-слејвери интернешнл“ седум години.
Препорачано
-
1
-
2
-
3
Принцезата се повлече од својата улога во најстарата организација за човекови права во светот во неделата, пренесуваат британските медиуми.
– По седум години, нашето покровителство на нејзиното кралско височество принцезата Јуџин од Јорк заврши. Сакаме да ѝ се заблагодариме на принцезата од дното на нашите срца за нејзината поддршка на „Анти-слејвери интернешнл“. Се надеваме дека таа ќе продолжи да работи на ставање крај на ропството еднаш засекогаш и да постигне слобода за сите – се вели во соопштението на организацијата.
Оставката на Јуџин доаѓа неколку недели откако нејзиниот татко беше уапсен на неговиот 66-ти роденден поради неговите врски со осудениот сексуален престапник Џефри Епстин. Поранешниот принц беше уапсен под сомнение за злоупотреба на службената должност при вршење на јавна функција. Ендру наводно споделувал доверливи документи со Епстин
Ендру претходно беше обвинет и за сексуален напад врз Вирџинија Џуфре, една од жртвите на Епстин. Иако ги негираше обвинувањата, познато е дека Џуфре платил повеќемилионска спогодба.
Поранешниот принц беше уапсен откако документите беа објавени, кои открија дека Ендру останал во контакт со озлогласениот финансиер со години откако тој рече дека прекинал секаков контакт со него. Документите, исто така, открија дека и Сара Фергусон имала многу близок однос со Џефри.
На Ендру и Сара им беа одземени сите титули минатата година и беа принудени да го напуштат својот долгогодишен дом, Кралската ложа.
Принцезата Јуџин и нејзината сестра, принцезата Беатрис, се најдоа во средината на нивниот скандал и неодамна наводно им било кажано дека не им е дозволено да присуствуваат на претстојниот Ројал Аскот, традиционален коњички настан. Принцезите, исто така, наводно не биле поканети на Кралската поворка.
Поранешниот британски принц Ендру е уапсен поради скандалот со Епстин
