Пријателките ја молат љубовницата на Путин да го притисне да ја прекине војната
Имено, на Алина ѝ се заканува депортација од Швајцарија, а нејзините пријателки веруваат дека сега е идеална можност да одлета назад во Русија и да разговара со Путин.
Дури и да сака, не знае дали ќе може повторно да биде со нивните деца.
Кабаева е 38-годишна поранешна гимнастичарка со олимписко злато, а со 69-годишниот Путин наводно има четири деца. Иако за нивната врска се шпекулира уште по неговиот развод со Људмила, тие двајца никогаш не зборувале за својот однос.
Откако се шпекулира за нејзината врска со Путин, Алина ги проретчи појавувањата на јавните настапи. Таа неодамна се огласи за руската инвазија на Украина.
– Верувам дека никогаш немало посрамотна страница во историјата на светскиот спорт. Раководството на многу меѓународни спортски организации долго време и под разни изговори се занимава со целосно неспортски работи. Сега веќе и не се кријат. Нивната „загриженост“ за светот е лицемерна како и борбата за чист спорт – изјавила Алина за дневниот весник „Спорт експрес“.
Потсетуваме, медиумите на почетокот на март објавија дека Путин ги крие Алина и нивните четири деца во Швајцарија – две момчиња и две девојчиња.
Алина и Путин никогаш не ја признаа аферата. Беше објавено и дека таа има неколку пасоши под различни имиња и националности.
Русите, Белорусите и Украинците покренаа петиција до швајцарските власти за протерување на Алина од земјата. Досега, повеќе од 57.000 луѓе ја потпишале петицијата.
Таа наводно се крие со своите деца во луксузна вила во близина на границата со Франција.
Во јавноста испливаа досега невидени фотографии од ќерките на Путин (ФОТО)
Љубовницата на Путин и нивните деца се кријат во Швајцарија?