Филмската платформа Нетфликс месецов ќе ја повлече култната серија „Пријатели“ (Friends) од својата понуда, предизвикувајќи вистински бран незадоволство кај корисниците.

Веста за заминувањето на една од најомилените ситком-серии на сите времиња предизвика бурни реакции на социјалните мрежи, каде што бројни корисници признаваат дека токму оваа серија со години им била ритуал за опуштање и заспивање. „Апсолутно сум бесна“, напиша една корисничка, додека друга додаде дека веднаш ја откажува својата претплата. Некои, пак, отидоа чекор подалеку, истакнувајќи дека не можат да замислат вечер без омилените ликови од серијата, која за многумина стана дел од секојдневната рутина.

Иако реакциите изгледаат драматични, медиумските аналитичари потсетуваат дека ова не е првпат „Пријатели“ да ја менува својата дистрибутивна платформа. И во минатото серијата преминуваше од еден канал на друг, а публиката секогаш повторно ја следеше каде и да се појави.

Дополнително, се навестува можност големите технолошки компании повторно да се вклучат во борбата за правата на ова профитабилно телевизиско дело. Во период на засилени медиумски спојувања и аквизиции, не е исклучено Нетфликс во иднина повторно да стане носител на правата за емитување.

Експертите додаваат дека иако фановите се навикнати серијата да им биде достапна со еден клик, нејзиното времено исчезнување не значи дека ќе ја изгубат засекогаш.

До објавувањето на новата стриминг-локација, останува прашањето што ќе изберат гледачите како нова „серија за пред спиење“, иако за многумина, ништо не може да го замени чувството на удобност што го остава оваа култна серија.

ВИДЕО | „Морничава е“: По смртта на Метју Пери, обожавателите сакаат да се тргне една сцена од „Пријатели“