Животот навистина може да биде беспрекорно „вкусен“, а тоа го потврдува и Дијана Иваноска од Тетово, која со својот талент за комбинација на вкусови, нè носи на едно исклучително гастрономско патување.

Иваноска стои зад инстаграм-профилот „Dash of Spice“ и ни ги открива малите тајни за создавање магија од вкусови.

Инвентивната Дијана денеска споделува рецепт за едно новогодишно гастрономско уживање – медени колачиња со ѓумбир.

Состојки:

– 150 г мед
– 100 г шеќер
– 1 лажиче цимет
– 1 лажиче ѓумбир во прав
– 1/2 лажиче каранфилче (опционално)
– 2 лажички сода бикарбона
– 130 г путер
– 1 јајце
– 400-450 г брашно

Подготовка:

Во тенџерче на оган ставете ги медот, шеќерот и зачините. Кога ќе зоврие, тргнете го од оган и додајте ја сода бикарбоната.

Смесата ќе почне да се пени и ќе се зголеми.

Постепено мешајќи додајте го путерот. Откако ќе се изедначи смесата, додајте го и јајцето.

Со брашното замесете тесто.

Развлечете го тестото меѓу две парчиња хартија за печење.

Ставете го во фрижидер на еден час.

Со калап сечете колачи и ставете ги на тава обложена со хартија за печење.

Печете 10 минути на температура од 175 степени Целзиусови.

Декорирајте по желба.