Во текот на денот беше решен спорот околу евентуалното формирање на Суперлигата за најбогатите фудбалски клубови кои имаа проблеми со УЕФА и ФИФА. Европскиот суд на правдата во Луксембург пресуди во корист на Суперлигата.

Но, и покрај тоа веднаш веќе реагираа дел од клубовите кои патем беа иницијатори за формирање на овој проект, како Манчестер јунајтед, Атлетико Мадрид, Баерн Минхен, а сега се огласи и Премиер лигата.

Соопштението од една од најсилните и највозбудливите лиги во светот го пренесуваме во целост:

– Премиер лигата ја забележа денешната пресуда на Европскиот суд во Луксембург, која беше значајна, но сега целосно ќе ги испитаме импликациите за самата игра. Оваа пресуда не поддржува „европска суперлига“ и Премиер лигата продолжува да го отфрла таквиот концепт. Навивачите се од витално значење за играта и повеќепати јасно го кажаа своето противење на ова „одметнато“ натпреварување кое ја прекинува врската меѓу домашниот и европскиот фудбал. Премиер лигата ја повторува својата посветеност на јасните принципи на отворено натпреварување, кои се во основата на успехот на домашните и меѓународните клупски натпреварувања.

Манчестер јунајтед, Атлетико и Баерн се против формирање на Суперлигата

Фудбалот почива на конкурентноста која се создава со промоција и испаѓање, односно годишни квалификации за домашните лиги и купови за меѓународни клупски натпреварувања и долготрајни ривалства кои ги придружуваат викендите резервирани за домашниот фудбал. Овие принципи се вткаени во Повелбата на сопствениците на Премиер лигата, воведена во јуни 2022 година, која има за цел да ја подобри колективната сила и конкуренцијата на Лигата во најдобар интерес на пошироката игра. Од 2021 година, Премиер лигата заедно со другите фудбалски управни тела, исто така, ги зајакнаа своите правила и управување во оваа област.

Премиер лигата ќе продолжи да се вклучува во отворен и конструктивен дијалог со сите релевантни фудбалски чинители за тоа како најдобро да се заштити и подобри комплементарниот баланс на домашниот и меѓународниот фудбал – стои во соопштението на Премиер лигата.

🚨 Premier League statement.

“Today’s ruling does not endorse the Super League — and the Premier League continues to REJECT any such concept”.

“Supporters are of vital importance to the game and they have time and again made clear their opposition to a "breakaway" competition… pic.twitter.com/2eyEzi1MGs

— Fabrizio Romano (@FabrizioRomano) December 21, 2023