За денешниот ручек ви нудиме одлична идеја… брз, лесен и многу вкусен ручек кој ќе ги израдува непцата на сите во семејството.

СОСТОЈКИ:

– 500 г пилешко филе

– 1 лажичка сув босилек

– 100 г моцарела

– 50 г кашкавал

– 100 г доматно пире

– 50 мл маслиново масло

– сол и црн пипер

ПОДГОТОВКА

Пилешкото филе расечете го на пола, но не до крај. Посолете го и побиберете од двете страни. Премачкајте го плехот со половина маслиново масло и во него ставете го пилешкото филе. Премачкајте го со доматно пире и над него распоредете ја моцарелата. На крја додајте го кашкавалот сечен на коцки, и останатото маслиново масло. Посипете со босилек. Печете во рерна на 200 степени. Садот држете го со покриен со алуминска фолија 30 минути, а потоа тргнете ја фолијата и запечете го уште 20 минути.