Правиме зимница: Рецепт за малиџано, македонскиот бел ајвар
Ајварот е скапоцен камен на секоја зимница, а бидејќи започна сезоната на нејзиното приготвување, време е да изберете што ќе подготвите.
Препорачано
Денеска ви го претставуваме рецептот за малиџано. Овој македонски специјалитет е познат и како бел ајвар, а главната состојка е модриот патлиџан.
Подгответе ја најдобрата зимница навреме, а во овој уникатен намаз уживајте со топол леб.
Состојки:
– 5 кг модри патлиџани
– 4 кг зелени пиперки
– 100 мл масло
– 150 мл алкохолен оцет
– 200 г шеќер
– 100 г сол
– 150 г сенф
Подготовка:
Модрите патлиџани и пиперките измијте ги и исушете, па испечете. Ставете ги да се подварат на пареа, а потоа излупете ги и извадете ги семките и стеблото. Исчистените патлиџани и пиперки ставете ги во цедалка и оставете преку ноќ. Потоа измелете ги одделно пиперките, па модриот патлиџан.
Во тенџере сипете малку масло, па додајте ги пиперките, а потоа и исечканите лути пиперки. Пржете околу 15 минути на пониска температура. Додајте една лажица сол и малку масло. Кога поголемиот дел од водата ќе испари, додадете ги модрите патлиџани. Промешајте и пржете уште 45 минути, а постепено сипајте масло. Повремено мешајте. Пред крајот додајте ја преостанатата сол, шеќерот, оцетот и сенфот, убаво измешајте и пржете уште неколку минути.
Малиџаното сипете го во стерилизирани тегли и цврсто затворете. Теглите ставете ги во сад претходно обложен со крпи и завиткајте ги. Оставете ги да отстојат 24 часа за целосно да се изладат.
