Пратениците во албанскиот законодавен дом ќе добиваат по половина плата во период од три месеци.

Одлука за тоа на денешната онлајн седница донесе претседателството на албанското Собрание, со кое раководеше собранскиот спикер Грамос Ручи, а го сочинуваат координаторите на парламентарните групи.

Се додава дека Ручи, упатил писмо до првите луѓе на „триесетте уставни и институции формирани со закон, да ја преземат истата мерка”.

Поголемот дел од албанските пратеници,меѓу нив и пратеникот на македонската партија, Македонска алијанса за европска интеграција (МАЕИ), Васил Стерјовски, самоницијативно се откажаа од декемвриската плата за ублажување на последиците од катастрофалниот земјотрес, што земјата ја погоди на 26 ноември минатата година.