Американскиот актер и комичар Енди Дик беше пронајден без свест на улица во Лос Анџелес, додека минувачите му се приближуваа и се обидуваа да му помогнат. Странските медиуми пренесоа дека се работи за предозирање.

„ТМЗ“ објави видео од него како седи на скалите и ја губи свеста. Минувачите рекоа дека се предозирал и дека повикале брза помош.

Портпаролот на противпожарната служба на Лос Анџелес им рече на медиумите дека отишле на местото на инцидентот поради предозирање на 59-годишен маж, кој не бил однесен во болница.

Енди Дик подоцна се огласи за медиумите и откри дека пушел крек со непознат маж што го сретнал на улиците на Лос Анџелес. Тој рече дека понекогаш пуши крек.

– Имаше човек на мои години таму и ми беше жал за него. Има деца, беше депресивен и седеше на тротоарот. Потоа пушеше крек и си помислив: „Знаеш што? Можеби ми треба малку од тоа“ – рекол тој.

Инаку, актерот се бори со зависност од дрога и алкохол со години.