Во акцијата што попладнето ја спроведоа истражителите на ОЈО ГОКК, според пишувањата на повеќе медиуми, уапсени се десетина луѓе, меѓу кои и познат бизнисмен и сопственик на бензински пумпи, поранешна вработена во Управата за јавни приходи (УЈП), сопруга на познат доктор, како и вработен во УЈП поврзан со владејачката партија ЗНАМ.

Обвинителството за гонење на организиран криминал и корупција соопшти дека под раководство на јавен обвинител од ова обвинителство, истражители и полицајци од попладневните часови претресуваат повеќе локации низ државата.

Како што наведуваат, акцијата се спроведува во Управата за јавни приходи и во други институции, а насочена е кон осомничени за злосторничко здружување, перење пари, даночна измама и даночно затајување од поголеми размери.

Апсења и претреси за голема даночна измама и затајување – и вработени во УЈП се меѓу уапсените