Апсења и претреси за голема даночна измама и затајување се спроведуваат попладнево, а меѓу уапсените има и вработени во Управата за јавни приходи. Информацијата ја потврдија од Обвинителството за гонење на организиран криминал и корупција.

-Од попладнево под раководство на јавен обвинител од ОЈО ГОКК, истражители од ОЈО ГОКК, со асистенција на полициски службеници од МВР вршат претреси на повеќе локации во државава и се обезбедуваат лица осомничени за злосторничко здружување, перење пари, даночна измама и даночно затајување од поголеми размери – соопшти Обвинителството.

Други детали не се соопштуваат за акцијата и се најавуваат во текот на денот.