Постигнат е договор, Шпанците најавуваат фудбалски маратон!
Првите луѓе Луис Рубиалес (РФЕФ) и Хавиер Тебас (ЛФП) дојдоа до решение, фудбалот ќе се врати во јуни..
Фудбалската федерација на Шпанија и „Ла Лига“ постигнаа договор за продолжување на натпреварувачката сезона 2019/2020.
Според „АС“, првите луѓе Луис Рубиалес (РФЕФ) и Хавиер Тебас (ЛФП) дојдоа до решение, фудбалот ќе се врати во јуни, а натпревари ќе има секој ден во неделата, а некои се очекува да завршуваат и по полноќ.
И натаму не се познати точните датуми, но извесно е дека првиот датум за мечевите ќе биде 20.00 часот, додека во најтоплите делови на Шпанија натпреварите ќе започнат во 23.00 часот, нешто што и не е невообичаено.
Indiscrezione AS: Liga al via a fine giugno https://t.co/5mUqkUFfIi #transfermarkt #rubiales #tebas #spagna
— Transfermarkt.it (@TMit_news) May 17, 2020
Со цел сезоната да заврши навреме, Рубиалес се согласи да се играат натпревари и во понеделник. Претходно, тој беше против предлогот поради навивачите, но бидејќи сега нема да има публика, се премисли.
Клубовите ќе играат натпревари на секои 72 часа, на пример, оние кои играат во понеделник би играле во четврток, а потоа во недела. Со таков распоред, сезоната се очекува да заврши пред 29 јули, така што преостанатите шпански претставници во Европа ќе бидат подготвени и за меѓународните настапи.
Договорот ќе биде официјализиран откако судијата Андрес Санчез Магро ќе ја поништи пресудата од август минатата година, забранувајќи да се играат натпревари во „Ла Лига“ во понеделник.