Од комуналното претпријатие „Гази Баба 2007“ информираат дека оваа недела на неколку локации низ општината се поставени посебни контејнери каде жителите ќе можат да го депонираат кабастиот отпад.

Акцијата започна денеска, а контејнерите се поставени во Стајковци, Црешево, Смилковци, Виниче, Брњарци, Булачани и Раштак.

Од претпријатието напоменуваат дека отпадот може да се остава на овие локации до недела(24 мај) и апелираат граѓаните да го одлагаат кабастиот отпад навремено и исклучиво во поставените контејнери.

Исто така, од денеска започнува акцијата за депонирање на кабаст отпад и во општина Аеродром, која ќе трае до средината на јули.

Обвинет за прегазувањето на Јорго Ќука и осуден во „Синџир“ фатен како фрла отпад на дива депонија

Акцијата започнува во населбата Мичурин, каде на 18 и 19 мај контејнери за кабаст отпад ќе бидат поставени на улица „Анастас Митрев“ зад паркот до трансформаторот и на улица „Венјамин Мачуковски“ – до трансформаторот кај Железничката станица.

Подолу можете да го видите целосниот распоред на локации каде што ќе бидат поставени контејнери за кабаст отпад.