Пораз на Шкендија од чешкиот Злин (ВИДЕО) – Слободен печат
СпортФудбал

Пораз на Шкендија од чешкиот Злин (ВИДЕО)

Во вториот пријателски натпревар одигран денеска Шкендија загуби минимално со резултат 0:1 од чешкиот состав на Фастав Злин.

Македонскиот фудбалски шампион преку овие мечеви ја темпира формата пред настапот во квалификациите од Лигата на шампионите.

Играчите на Злин ја обезбедија победата уште во првото полувреме, поточно во 15. минута после еден изведен корнер, највисоко скокна Павел Вихнал и со глава ја испрати топката во мрежата на Захов.

Стартниот состав на Шкендија на денешниот меч против Злин: Захов, Бејтулаи, Муслиу, Чешмеџиев, Мици, Хусмани, Алими (капитен), Радески, Нафиу, А. Ибраими

Претходно на првиот тест од летните подготовки, тетовските „црвено-црни“ минимално со 1:0 славеа против Олимпија Љубљана.

Наредната трета контролка избраниците на тренерот Ќатип Османи според најавите би требало да ја имаат на 27 јуни против словачката Жилина.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close