Поранешниот словенечки претседател и премиер Борут Пахор заврши во болница откако падна со велосипед за време на спуштањето од Пасја Раван во Словенија, објави „Блјесак“.

Пахор, кој е страстен велосипедист, на „Инстаграм“ објави дека ги скршил клучната коска и лопатката.

Пасја Раван е ридско подрачје и планински превој во Западна Словенија, во Полхограјските Доломити недалеку од Љубљана. Популарно е меѓу велосипедистите и планинарите поради стрмните искачувања и спуштања.

„Тежок пад за време на велосипедското спуштање од Пасја Раван. Скршена клучна коска и лопатка. Сè е во ред, вечерта ја напуштив Итната помош, а денес веќе сум во канцеларија на разговор со новата млада делегатка на ОН“, напиша Пахор покрај фотографијата од болничкиот кревет.

Објавата првично ги загрижи неговите следбеници, но подоцна ги смири со нова фотографија на која со ортопедска имобилизација седи на стол и насмеан позира. Пахор им се заблагодари на сите кои му помогнаа по несреќата.

Газда на скопски хотел е брутално претепан од двајца насилници кои ги познава