Поранешниот шеф на ФБИ Џејмс Коми им се предаде на властите по новото обвинение за закана кон Трамп
Поранешниот директор на ФБИ, Џејмс Коми, им се предаде на американските власти, еден ден откако против него беше поднесено ново обвинение, за објава на социјалните мрежи лани во мај, која обвинителите ја оценија како закана за американскиот претседател Доналд Трамп.
Препорачано
-
1
-
2
-
3
Според извор запознаен со ситуацијата, Коми се појавил во канцеларијата на обвинител во Александрија, Вирџинија, за да се предаде по две обвиненија за заканување по животот на претседателот и пренесување закани преку државни граници, јавуваат американските медиуми.
🚨 BREAKING: Disgraced former FBI Director James Comey just SURRENDERED himself and is under ARREST at the courthouse, due to his charges of threatening President Trump’s life
LFG! Finally, accountability for the traitor is here! 🔥
The case will be playing out in North… pic.twitter.com/GFneacxRFj
— Eric Daugherty (@EricLDaugh) April 29, 2026
Коми изјави дека е невин и дека ќе се бори против обвиненијата на суд. Во мај минатата година, Коми објави фотографија на социјалните мрежи од плажа со броевите „86 47“ напишани со школки, што обвинителите го протолкуваа како сленг термин со кој му се заканува на Трамп кога ги поднесоа обвиненијата.
Речиси веднаш по објавувањето, тогашната секретарка на Министерството за внатрешна безбедност Кристи Ноем објави дека Тајната служба ќе го испита Коми за она што таа го нарече повик за „атентат“ врз Трамп.
Коми ја отстрани објавата истиот ден, пишувајќи на социјалните мрежи дека видел школки на плажата што ги користел за да напише „политичка порака“, но дека „не сфатил дека некои луѓе ги поврзуваат тие бројки со насилство“.
Во обвинението, одобрено од федерална голема порота во Северна Каролина, се тврди дека разумен човек би ја протолкувал пораката како закана за Трамп.
Коми, долгогодишен непријател на Трамп, сега се соочува со две обвиненија поднесени од Министерството за правда за време на втората администрација на Трамп. Претходен случај во кој тој беше обвинет дека го лажел Конгресот, кратко по судењето беше отфрлен случајот од федерален судија.
