Поранешниот македонски борач, а сега селектор на нашата репрезентација во грчко-римски стил, Љубиша Пешко се бори против коронавирусот.

Оваа информација ја потврдија од Ветераните борачи на Македонија на својата фејсбук страница:

– Короната удри и по најсилните. Да дадеме поддршка на нашиот колега, борач и тренер, Љубиша Пешко.

Тој е прв позитивен од Ковид-19 меѓу спортистите, тренерите од нашата држава.

Ова е негова нова голема борба, од болничкиот кревет порача со кренат палец дека нема предавање и оди на победа.

Станува збор за поранешен македонски и југословенски репрезентативец, еден од најуспешните во овој спорт.

Своевремено учествуваше на европските и светски шампионати во категоријата до 74 кг. Беше дел од Спартак Руен (Кочани) и Бучим Јака (Радовиш), а исто така соработуваше и со боречкиот клуб Вардар.