Тежок инцидент се случил вчера во скопското село Ржаничино, кога поранешниот градоначалник на општината Петровец и вработен во Бирото за јавна безбедност во МВР, Звонко Цветковски, со нож му нанел две убодни рани на неговиот 22-годишен син, Ј.Ц., пишува Плусинфо.

Пред да се случи нападот, таткото и синот кратко се расправале, пишува порталот.

Од Министерството за внатрешни работи го потврдуваат инцидентот и велат дека се преземаат мерки за целосно расчистување на случајот.

Момчето веднаш било однесено во Клиничкиот центар „Мајка Тереза“, а за инцидентот било известено и Основното јавно обвинителство.