Поп Ацев исплива соло маратон во чест на легендата Нико Нестор
Националната пливачка федерација сака да Ве извести дека нашиот репрезентативец во далечинско пливање и победник на Светската серија на Ултра маратони, Евгениј Поп Ацев на 11.07.2020 имаше соло маратон во чест на легендата на Македонското маратонско пливање, Нико Нестор.
Станува збор за соло трката која ја пливаше Евгениј и која беше во должина од 7Км, стартот беше на Свонси марината, а финишот во Мамблс Велс, Велика Британија, каде што Евгениј веќе подолго време живее и тренира.
Целта на трката беше да се соберат финансиски средства за хуманитарната организација „Нико Нестор“, кои ќе овозможат децата од финансиски ранливите семејства да добијат можност за часови по пливање и обука за безбедност на вода.
Поп Ацев должината од 7,15Км ја исплива во време од 1час 37минути и 14секунди.
– Пресреќен сум да објавам дека до денес со завршувањето на пливачкиот предизвик се собрани над 750 фунти за добротворната организација Нико Нестор. Условите беа одлични и навистина уживав во испливувањето на делницата. Сакам да изразам огромна благодарност до сите кои ме поддржаа и помогнаа во остварувањето на оваа голема цел. Страницата е сè уште отворена за донации ако некој што сака да донир, а не го сторил сеуште тоа – се зборовите на нашиот пливач.